2015 jylǵy 23 sáýir, Astana qalasy
Joǵary oqý oryndarynyń professor-oqytýshy quramy men ǵylymı qyzmetkerlerdiń laýazymdarǵa konkýrstyq ornalasýy qaǵıdalaryn bekitý týraly
«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-babynyń 36) tarmaqshasyna sáıkes buıyramyn:
1. Qosa berilip otyrǵan Joǵary oqý oryndarynyń professor-oqytýshy quramy men ǵylymı qyzmetkerlerdiń laýazymdarǵa konkýrstyq ornalasýy qaǵıdalary bekitilsin.
2. Joǵary, joǵary oqý ornynan keıingi bilim jáne halyqaralyq yntymaqtastyq departamenti (J.Q. Shaımardanov) zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin resmı jarııalaýdy;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O. Balyqbaevqa júktelsin.
4. Osy buıryq alǵashqy resmı jarııalanǵan kúninen keıin qoldanysqa engiziledi.
Mınıstr A.SÁRINJIPOV.
Qazaqstan Respýblıkasy Bilim jáne ǵylym mınıstriniń
2015 jylǵy 23 sáýirdegi №230 buıryǵymen bekitilgen
Joǵary oqý oryndarynyń professor-oqytýshy quramy men ǵylymı qyzmetkerleriniń laýazymdarǵa konkýrstyq ornalasýy qaǵıdalary
1. Jalpy erejeler
1. Osy Joǵary oqý oryndarynyń professor-oqytýshy quramy men ǵylymı qyzmetkerleriniń laýazymdarǵa konkýrstyq ornalasýy qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń (budan ári - Zań) 5-babynyń 36) tarmaǵyna sáıkes ázirlengen jáne menshik nysanyna qaramastan joǵary oqý oryndarynyń shtattyq kestesinde qarastyrylǵan (budan ári – shtattaǵy laýazymdar) joǵary oqý oryndarynyń professor-oqytýshy quramy men ǵylymı qyzmetkerleriniń laýazymdarǵa konkýrstyq ornalasýy tártibin anyqtaıdy.
2. Joǵary oqý oryndarynyń professor-oqytýshy quramy men ǵylymı qyzmetkerleriniń laýazymdarǵa konkýrstyq ornalasýy bos laýazym oryny bar joǵary oqý ornymen (budar ári - joo) júzege asyrylady.
3. Joǵary oqý oryndarynyń professor-oqytýshylar quramy men ǵylymı qyzmetkerleriniń laýazymdarǵa konkýrstyq ornalasýyna tıisti beıinderi boıynsha joǵary nemese joǵary oqý ornynan keıingi bilimi bar «Pedagog qyzmetkerler men olarǵa teńestirilgen tulǵalardyń laýazymdarynyń úlgilik biliktilik sıpattamalaryn (budan ári – úlgilik biliktilik sıpattamalary) bekitý týraly» 2009 jylǵy 13 shildedegi № 338 Qazaqstan Respýblıkasy Bilim jáne ǵylym mınıstriniń buıryǵymen bekitilgen talaptarǵa sáıkes adamdar jiberiledi (normatıvtik quqyqtyq aktiniń memlekettik tirkeýdiń tizilimine № 5750 tirkelgen)
О́ner, mádenıet jáne sport salasyndaǵy joǵary oqý oryndarynyń qaýymdastyrylǵan professorlar (dosent), professorlar laýazymdaryna ornalasý konkýrsyna tıisti ǵylymı ataǵy men ǵylymı dárejesi joq, biraq osy mamandyq boıynsha tanylǵyn jetistikterge ıe mamandar jiberiledi.
2. Konkýrs týraly habarlandyrý
4. Joǵary oqý oryndarynda professor-oqytýshy quramynyń jáne ǵylymı qyzmetkerleriniń bos laýazymy bolǵan jaǵdaıda tıisti joǵary oqý orny qujattardy qabyldaý aıaqtalǵan kúnge deıin keminde kúntizbelik otyz kún buryn Qazaqstan Respýblıkasynyń búkil aýmaǵynda taratylatyn merzimdi baspa basylymdarynda konkýrs ótkizý týraly habarlandyrý ornalastyrady.
5. Konkýrs ótkizý týraly habarlandyrýda mynadaı málimetter qamtylýǵa tıis:
1) professor-oqytýshy quramynyń jáne ǵylymı qyzmetkerlerdiń bos laýazymynyń ataýy;
2) joǵary oqý ornynyń ornalasqan jeri, poshtalyq meken-jaıy, telefony kórsetilgen ataýy;
3) qujattardy qabyldaýdyń aıaqtalatyn kúni men ýaqyty.
6. Bos laýazymdarǵa arnalǵan konkýrsqa ótinishter (erkin nysanda) habarlandyrý jarııalanǵan kúninen bastap kúntizbelik otyz kúnnen keshiktirmeı beriledi.
3. Konkýrstyq komıssııany qalyptastyrý
7. Professor-oqytýshy quramynyń jáne ǵylymı qyzmetkerlerdiń laýazymdaryna taǵaıyndaýǵa arnalǵan konkýrstyq komıssııanyń (budan ári – konkýrstyq komıssııa) sany men derbes quramyn jáne onyń ókilettik merzimin joǵary oqý orny basshysy anyqtaıdy.
8. Konkýrstyq komıssııa jumysynyń negizgi mindetteri:
1) konkýrsqa qatysý úshin barlyǵyna birdeı teńdik múmkindigin berý;
2) konkýrsqa qatysýshylardyń arasynda ádil básekelestikti qamtamasyz etý;
3) ádildiktiń saqtalýyna jáne konkýrstyń jarııaly túrde ótkizilýine baqylaýdy júzege asyrý;
4) konkýrstyq komıssııa otyrysynyń kestesin anyqtaý;
5) konkýrstyq qujattamalarǵa taldaý júrgizý;
6) konkýrstyń qorytyndysy boıynsha sheshim shyǵarý bolyp tabylady.
9. Konkýrstyq komıssııa myna quramda qurylady:
1) konkýrstyq komıssııanyń tóraǵasy – úlgilik biliktilik sıpattamalarynyń talaptaryna sáıkes joǵary oqý orny basshysynyń orynbasary (prorektor);
2) konkýrstyq komıssııasy tóraǵasynyń orynbasary – qurylymdyq bólimshesiniń basshysy nemese úlgilik biliktilik sıpattamalary talaptaryna sáıkes, joǵary oqý orny basshysynyń orynbasary (prorektor);
3) konkýrstyq komıssııanyń hatshysy – joǵary oqý ornynyń shtattyq qyzmetkeri (ǵylymı dárejesi jáne ǵylymı ataǵy bar);
4) quramynda keminde úsh adam bar konkýrstyq komıssııa músheleri (joǵary oqý ornynyń shtattyq oqytýshylary nemese ǵylymı qyzmetkerleri arasynan, kadrlyq qyzmettiń basshysy, zań keńesshisi, kásipodaq uıymynyń ókili).
4. Konkýrsqa qatysýshylardyń qujattaryn qabyldaý jáne qaraý
10. Konkýrsqa qatysýǵa tilek bildirgen adamdar, joǵary oqý orny basshysynyń atyna ótinish jazady (erikti nysanda). О́tinishke qosa myna qujattardy tapsyrady:
1) kadrlardy esepke alý boıynsha jeke paraǵy;
2) ómirbaıan;
3) joǵary bilimi men akademııalyq jáne ǵylymı dárejesi týraly dıplomdardyń, ǵylymı ataǵy týraly qujattardyń kóshirmeleri jáne salystyrý úshin túpnusqalary;
4) qaıta daıarlaý jáne biliktilikti arttyrý týraly sertıfıkattardyń kóshirmesi (bolǵan jaǵdaıda) jáne salystyrý úshin túpnusqalary;
5) ǵylymı jumystar men ónertabystardyń tizimi (bolǵan jaǵdaıda);
6) № 086 nysanyndaǵy medısınalyq anyqtama, 2010 jylǵy 23 qarashadaǵy № 907 Qazaqstan Respýblıkasy Densaýlyq saqtaý mınıstriniń mindetin atqarýshynyń buıryǵymen bekitilgen (normatıvtik quqyqtyq aktiniń memlekettik tirkeýdiń tizilimine № 6697 tirkelgen);
7) Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń esepteri boıynsha tulǵanyń qylmystyq quqyq buzýshylyq jasaýy týraly málimetterdiń bolýy ne bolmaýy týraly anyqtama.
Konkýrsqa qatysýshy bilimine, jumys tájirıbesine, kásibı deńgeıine qatysty qosymsha aqparat (ǵylymı jarııalanymdardyń tizimi, aldyńǵy jumys ornyndaǵy basshylyq bergen usynymdar jáne t.s.s.) bere alady.
5. Konkýrsty ótkizý tártibi
11. Konkýrs myna kezeńderden turady:
1) joǵary oqý oryndarynyń professor-oqytýshy quramy men ǵylymı qyzmetkerleriniń bos laýazymdarǵa ornalasýy úshin úmitkerlerdiń ótinimderin qarastyrý;
2) úmitkerlermen áńgimelesý ótkizý;
3) konkýrstyń qorytyndylaryn shyǵarý.
12. Joǵary oqý orny:
1) konkýrs ótkizý týraly sheshim qabyldaıdy;
2) konkýrs ótkiziletin kún men oryndy belgileıdi;
3) konkýrsqa qatysý úshin usynylǵan qujattardy qabyldaýdy, tirkeýdi jáne saqtaýdy júrgizedi;
4) Komıssııa otyrysyn uıymdastyrady.
13. Habarlandyrýda kórsetilgen qujattardy qabyldaý aıaqtalatyn kúnge deıin qajetti qujattardy tabys etken azamattar konkýrsqa qatysýshylar bolyp tabylady.
14. Professor-oqytýshylar quramynyń jáne ǵylymı qyzmetkerleriniń laýazymdaryna taǵaıyndaý konkýrsy saýalnama, testileý, áńgimelesý, shyǵarmashylyq esep berý, avtorlyq ázirlemelerdi qorǵaý, praktıkalyq tapsyrmalar nysanynda úmitkerlerdiń qyzmet qorytyndylary taldamalyq jalpylaý negizinde ótkiziledi, bul rette kásibı deńgeıdi anyqtaý úshin árbir laýazym boıynsha úlgilik biliktilik sıpattamalaryna sáıkes bilimderi tekseriledi.
15. Áńgimelesýdiń maqsaty bos laýazymǵa konkýrs jarııalaǵan naqty joǵary oqý ornynyń erekshelikterin, úlgilik biliktilik sıpattamalaryn eskere otyryp, kandıdattardyń kásibı jáne jeke qasıetterine baǵa berý bolyp tabylady.
16. Budan keıin konkýrstyq komıssııa ashyq daýys berý arqyly osy Qaǵıdalardyń qosymshasyna sáıkes, laýazymǵa konkýrstyq irikteý boıynsha jasyryn daýys berý úshin osy laýazymǵa kandıdatty biryńǵaı bıýlletenge engizý týraly sheshim qabyldaıdy.
17. Daýys berýshi tulǵa kandıdatty qabyldaýǵa kelisetindigin nemese kelispeıtindigin ár kandıdattyń aty-jóniniń qasynda jazylǵan «kelisemin» nemese «kelispeımin» degen sózderdi belgileý arqyly bildiredi. Konkýrstyq irikteýde bir laýazymǵa eki jáne odan da kóp úmitker qatysqan jaǵdaıda, bıýlletende birde-bir aty-jóni syzylyp tastalmasa, onda ol jaramsyz dep tanylady.
18. Daýystardy sanaý úshin konkýrstyq komıssııa jasyryn daýys berýdiń aldynda konkýrstyq komıssııa arasynan keminde úsh adamnan turatyn esepteý komıssııasyn saılaıdy. Esepteý komıssııasy ár kandıdatýra boıynsha berilgen daýystardyń nátıjesin jarııalaıdy. Esepteý komıssııasynyń hattamasyn konkýrstyq komıssııa bekitedi jáne konkýrs materıaldaryna qosady.
19. Konkýrs ótkizý kezinde konkýrstyq komıssııa músheleriniń keminde 2/3 múshesi daýys berýge qatysqan jaǵdaıda, konkýrstyq komıssııanyń sheshimi jaramdy bolyp sanalady.
20. Kandıdat, eger oǵan komıssııa quramynan qatysyp otyrǵandardyń kópshiligi daýys bergen jaǵdaıda oń qorytyndyǵa ıe bolady. Daýys bergen kezde daýystar teń bolǵan jaǵdaıda komıssııa tóraǵasynyń daýysy sheshýshi bolyp tabylady.
Jasyryn daýys berý arqyly qabyldanǵan konkýrstyq komıssııanyń sheshimi, eger ol osy Qaǵıdalardy saqtaý negizinde qabyldanǵan bolsa, túbegeıli bolyp sanalady.
21. Qupııa daýys berýdiń nátıjeleri boıynsha konkýrstyq komıssııa ár bos laýazymǵa úmitker boıynsha eńbek shartyn jasaý úshin «joǵary oqý ornynyń basshysyna usynylady» nemese «joǵary oqý ornynyń basshysyna usynylmaıdy» degen jazýmen usynymdar daıyndaıdy.
Komıssııa hatshysy konkýrsqa qatysqan tulǵalardy konkýrstyń nátıjelerimen jáne konkýrstyq komıssııanyń usynymdarymen tanystyrady
22. Eńbek shartyn jasaý 10 kúntizbelik kúnnen keshiktirmeı, konkýrstyq komıssııa otyrysy aıaqtalǵannan jáne joǵary oqý orny rektorynyń sheshiminen keıin júrgiziledi.
23. Professor-oqytýshylar quramyn jáne ǵylymı qyzmetkerlerdi laýazymdarǵa taǵaıyndaý konkýrsynyń qorytyndylary boıynsha 3 jylǵa shart jasalady. Áreket etý merzimi aıaqtalǵan soń, taraptardyń kelisimimen shart uzartý kózdelmeıdi.
6. Shaǵymdaný tártibi
31. Konkýrsqa qatysýshylar men kandıdattar ózderine qatysy bar bóliginde konkýrstyq qujattarmen jáne komıssııanyń sheshimderimen tanysa alady.
32. Komıssııanyń sheshimine konkýrsqa qatysýshylar men kandıdattar sot tártibimen shaǵymdana alady.
Joǵary oqý oryndarynyń professor – oqytýshylar quramy men ǵylymı
qyzmetkerlerin laýazymdarǵa konkýrstyq taǵaıyndaý qaǵıdasyna qosymsha
Laýazymǵa konkýrstyq irikteý boıynsha jasyryn daýys berýge arnalǵan
bıýlleten (úlgi)
_______________________________________________________________________________________
(JOO ataýy)
Konkýrstyq komıssııa
(rektordyń № ___ «__» _______ 20___ jylǵy buıryǵymen bekitildi)
20___ jylǵy «__» _______ otyrys. № ___ hattama
laýazym ________________________________________________________________________________
kafedra ________________________________________________________________________________
Fakýltet (Instıtýt) ______________________________________________________________________
Jarııalanǵan birlikter sany ___________
№ Úmitkerdiń tegi, aty jáne ákesiniń aty (bolǵan jaǵdaıja) Daýys berý nátıjeleri
1 Kelisemin Kelispeımin
2 Kelisemin Kelispeımin
Eskertpe:
1. Aty-jónderi alfavıttik tártipte engiziledi.
2. Kandıdatýrany «Jaqtap» daýys berý nátıjeleri «Kelispeımin» sózin syzyp tastaýmen, al «Qarsy» daýys bergen jaǵdaıda – «Kelisemin» sózin syzyp tastaýmen bildiriledi.
3. Komıssııa múshesi «Kelisemin» dep daýys bergen kandıdatýra sany jarııalanǵan birlik sanynan aspaýy tıis.
4. Atalǵan qaǵıdalardy buzý arqyly toltyrylǵan bıýlleten jaramsyz dep sanalady.
Buıryq Qazaqstan Respýblıkasynyń Ádilet mınıstrliginde 2015 jylǵy 22 mamyrda Normatıvtik quqyqtyq kesimderdi memlekettik tirkeýdiń tizilimine №11122 bolyp engizildi.